اوعي تتزحلقي من نوعومية كعوبك

السلام عليكم اخواتى وحبيباتى انا جيبلكم انهاردة وصفة بسيطة ومش مكلفة وبتعطى نتيجة هايلة وسريعة فى نفس الوقت والله و المكونات من مطبخك مش هتكلفك كلة موجود عندك مش هطول عليكم ابتدى بقة

* بسم الله *

المكونات عبارة عن ((* زيت طعام و شمعة و لمونة *)) شفتى ازاى كلة من مطبخك الطريقة بقة اول حاجة هتجيبى نصف كوب زيت(زيتون او ذرة او دوار الشمس) حسب الموجود عندك متحتاريش عرفة فى واحدة دلوقتى بتقول زيت داة هيبقى مدهنن وملسلس وهدومى هتبوظ هقولك لا يا مزة ميزة الخلطة دى ان الجلد حالا بيشربها وبعد متدهنيها بشوية هتحسى انك حطة كريم مرطب خفيف وفى نفس الوقت بيكون فى طبقة عزلة وبتحمى جلدك ها يلا نكمل بقة ونضع الزيت فى اناء على النار يسخن بس وانتى وقفة جمبة اوعى تسيبة ليدخن البيت يدوبك يسخن وحطى علية الشمعة ((* ممكن شمع العسل او شمع اسكندرانى اللى موجود او الشمعة العادية البيضة *))اللى بتنوريها لما النور يقطع واللى بيحطوها فى صينية الحنة للعروسة تكسريها وحطيها على الزيت هتلقيها على طول ساحت واطفى النار على طول تمام كدة هتحسى انة سايل سيبية 10

دقائق واعصرى لمونة وقلبية وحطية فى علبة كريم فاضية هيبقى سمك الفازلين او اجمد شويةوممكن تحطية فى الثلاجة علشان ميخسرش منك فى الحر متخفيش مش هيبقى ناشف زى الشمع هتحسى انة ناشف بس لما تمسكية هيدوب فى ايدك تمام كدة

نيجى بقة لطريقة الاستعمال بعد متنظفى رجلك كويس سواء بالحجر او بالتقشير وتتغسل كويس قوى وتنشفيها كمان و قبل متنامى بليل كل يوم هتدهنى من الخلطة السحرية وممكن تدهنيها فى رجلك كلها وكمان ايدك وتلبسى فى رجلك كيس وعلية شراب او جوارب الكعبين وتنامى نوم الهنا يا جميل والله هتحسى بالفرق بعد مرتين ثلاثة من الاستعمال رجليكى وكعوبك زى الحرير بس اوعى تتزحلقى من نوعمية كعبك وتتكعبلى من الشق اللى فى الارض هههههههههههه و اهم حاجة ممنوع انك تمشى حافية علشان داة بيبوظ الكعب بيخلية خرابة والله انا جربتو ولقيت نتيجتة هايلة وسريعة وقلت لازم اقولكم علشان انتو اخواتى و حبايبى بحبكم فى الله وللامانةالخلطة دى منقولة بس