كل دروس في الدلع والانوثة و دروس في الاهتمام بالزوج

بســـم الله الرحمن الرحيم
زي ما وعدتكم ، اني اعمل دروس عشان نتعلم الانوثة والدلع ، وحطيت كمان دروس للاهتمام بالزوج.
انتوا عارفين طبعاً ، انك لما تهتمي بجوزك حتزيدي انوثة في نظره، وحيرتبط بيكي ، وحتبقى كل حاجة في حياته ،
انا مش قصدي ، اهتمام باكل وشرب وبس ، لالالالالا، قصدي انك تبقى حنينة علية، وتهتمي بشغلة وبصحتة وبعيلته واصحابه ، وتقعدي تتكلمي معاه ، وتعودية انه يأخد رأيك في كل حاجة ، ويتكلم معاكي ، حتى لو مش حتفيدية بحاجة.
حنتعلم برضة ان شاء الله ازاي نظهر انوثتنا المدفونة، ونتعلم مع بعض حركات الدلع في كل وقت ، وقت الصحيان من النوم ، وقت الاكل ، وقت الخروج ، وقت الاستحمام ،في كل وقت ، وان شاء الله كل حاجة حانزلها بالصور ، زي ما انا معوداكم،
بس زي ما اتفقنا قبل دة ، اللي حتشترك معانا ، حطبق كل كلمة بقولها، وحتيتجي كل يوم تكتب تقرير بكل اللي حصل ، ورد فعل جوزها اية على التغيير دة.
عشان البنوتات التانيين يستفيدوا من الموقف نفسة ، ويتعلموا برضة ، وعشان نعرف رد فعل الزوج اية ، ويا تري الحاجات اللي بنقولها بتجيب نتيجة ولا لا ، ونشجع بعض
اكيد انتي مليتي من الطرق اللي عندك ،وحاسة ان حياتك بقت روتنية ، ونفسك تغيري انتي وجوزك ، نفسك تكون فيه حاجة جديدة في حياتك.
التغيير اللي حتعلموه دة ، حيغيرلك الروتين ، وجوزك ان شاء الله حيحس بكدة ، وحيحس ان شاء الله بعد الكورس اللي حنأخده دة ، انك اتغيرتي وبقيت جميلة في نظره ، وبقيت كلك انوثة ودلع
طبعاً انا مش طالبة اي حاجة منكم الا الدعاااااااء لية بالذرية الصالحة المعافية السليمة ، ويخليلي جوزي مش محللة لاي حد ينقل موضوعاتي الا بإذني بصوا يا قمرات انا حاكتب في الموضوع ان شاءالله حاجات للمخطوبين والمتجوزين بالنسبة للمتجوزين: حيطبقوا كل الدروس ، درس درس ، ويبعتولي تقرير ، حنتفق بعد كدة ، ان كان التقريردة يومي ولا اسبوعي ، على حسب ما نشوف . بالنسبة للمخطوبين: حتطبقوا الجزء الخاص بحركات الدلع والانوثة ، فيه حركات تنفع تطبقيها مع خطيبك ، وفيه حاجات حتطبقيها مع نفسك ، عشان لما تتجوزي ان شاء الله ، تبقى انوثتك متكاملة ، ما فيش حاجة ناقصة فيكي ان شاءالله بس يا ريت عاوزة منكم حد يتبرع ويعملي جدول بأسماء المتجوزين والمخطوبين ، يعني كل واحدة تدخل تكتب ان كانت متجوزة ولا مخطوبة وواحدة فيكم تجمعهم لية في جدول وتحضهم ، عشان لما اشوف التقارير بتاعتهم بصوا معاية وركزوا في كلمة بقولها ، وعايزاكم تنفذوه بالحرف الواحد (1) اختاري اسم دلع ليكي ، وثبتية الاسم دة حتكتبية لية في التقرير بتاعك ، في اول التقرير كل واحدة تكتب اسم دلعها (حاقولكم بعدين لية) (2) استعيني بالله ،وخلي عندك ثقة في نفسك ، ودايماًخلي نيتك ، انك عاوزة تسعدي جوزك وتراضية ، عشان تأخدي بكل حاجة بتعمليها ثواب ان شاء الله (3) روحي دلوقتي وضبي دلاوبك انتي وجوزك ، اعملي درفة للبس الشغل (البدل) ودرفة للبس الكاجوال ، ورتبي لبس البيت زي ترتيب االمكواه اللي قلتلكم علية ، (عشان بعد كدة انتي اللي حتطلعي لجوزك لبس الخروج ، ولبس الشاور) دي من حاجات الدلع اللي حنتكلم عنها ان شاء الله (4) اذا جوزك سألك اية التغيير دة ، ماترديش علية ، اضحكي ضحكة حلوة كدة وخلاص ، او ممكن تقوليلة مبسوووط ( يعني انتي بتسألية انت مبسوط بالتغيير دة ، بس مش عايزين كلام كتير ، انتي بس قوليلة مبسوووط) ، واديلة حضن خفيف خالص بوسة على خدة وخلاص، اووووعي تلزقي ، وتبوظي التدريب اللي بنعملة بما ان بكرة الجمعة ان شاء الله ، يبقى حنعمل حاجة حلوة ،انا متعودة عليها ، وحلوووة جداً تحضير الفطــــــــار طبعاً معظمنا بيشرب الشاي ، ويكبر دماغه من موضوع الفطار ، لكن موضوع الفطار دة بتبقى حاجة حلوة قوووي ، خاصة لو جوزك مش متعود على كدة. انا اول ما اتجوزت ، قلت لازم اكون مميزة مع جوزي ، يعني ما ابقاش صورة طبق الاصل من اهلة ، لازم اغير النظام دة، عشان لما ابعد عنه يوم ولا اتنين يحس بالفرق ، ويحس فيه حاجة نقصاه . طبعاً الفطار لية نظام وحركات ودلع وانوثة ، مش يلا بسرعة حضري وارمي على السفارة اي حاجة ، وتقولي خلاص انا حضرت فطار ، لالالالالالالالالالالالالالالا بصوا معاية ، وخليكي معاية خطوة خطوة ( انا فيه حاجات هنا اتكلمت عنها قبل كدة ، وفيه كدة لسة حاضيفها) يوم الجمعة حاولي تصحي قبل جوزك بحاولي نص ساعة ، لا مش حاااااولي ، لا قوووووووووومي من غير تفكير روحي حضري الفطار ، انا في اخر الصفحة ، حاحطلكم كام لينك ، لتجهيز الفطار ، حتتعملي ازاي تعملي الاومليت بطريقة جديدة ، التوست بالجبنة ، والفول والطعمية . وانا حاوريكم طريقة التقديم اولاً فية مفارش بلاستيك بتتباع في السوبر ماركت ، بتتفرش على السفرة وقت الاكل ، عشان السفرة بتاعتك ما تبوظش وتحافظي عليها . تتطلعي طقم الضيوف ، انا قلت قبل كدة عاملي جوزك كأنه ضيف ، مش يلا ارمي اي طباق والسلام ، ويا سلام لو كانت طباق بلاستيك ، يبقى احمدي ربنا ان جوزك ساكت عليكي وما اتكلمش . (انا كنت قبل كدة اتكلمت عن طقم الازواج ، اللي هو اتنين من كل حاجة ، اكيد اللي كانوا متابعين موضوع افكار جديدة عارفينه) العيش يتحط في سلة مخصوصة لية على السفرة ، وبلاش عشان خاطري الاكياس البلاستيك والكلام دة طبعا حطلعي الطباق السيرفرز اللي عندك وتقدمي فيه الاكل ، زي الضيوف تمام ، لحد ما تشتري الاطباق اللي قلتلكم عليها شايفين السفرة دي ، عاوزكم تعملوا زيها بالضبط ، حاولي تعملي زيها ، اتصرفي الاطقم اللي عندك ، وبعد كدة ممكن تجمعي الحاجات دي من محلات اتنين ونص ، حتلاقيهم هناك بعد ما تحضري الفطور ، خلي الشاي شوية عشان ما يبردش ، يعني جهزية وسيبية على النار بس ، والكوبايات طبعاً على السفرة ادخلي اتشطفي واغسلي سنانك وسرحي شعرك ، والبسي بيجاما حلوة ، وطبعاً ما تنيسش البرفيوم ، بس يا ريت يبقى خفيف ، فيه برفانات مخصوص للصبح ، شوفيها وهاتيها. وروحي بالراحة كدة ملسي على رأسة ، واديلة بوسة خفيفة على جبينة ، وقوليلة ، صباح الفل يا حبيبي ، (تخيلي نفسك ان جوزك جة يصحيكي بالطريقة دي ، حيبقى اية شعورك؟؟؟؟؟؟؟ عاوزة رد كل واحدة فيكم في التقرير ) حتقوليلة يلا قوم اتوضا وصلي عشان نفطر ، حتكوني انتي فارشة سجادة الصلاة ومجهزاها لية ، ولما يطلع يروح الحمام ، فتحي الاوضة وهويها ، وروقي السرير، ورشي معطر. اه صح وتكوني موضبة الحمام ، يعني الحمام طبعاً المفروض انه نضيف 24 ساعة ، بس انتي ممكن قبل ما تتشطفي تغسلي الحوض وتلمعي المراية وترش معطر في الحمام ، وممكن الحاجة دي تعمليها من الليل ، ويا دوب بس الصبح ترشي المعطر ، عشان لما يدخل الحمام ، يحس ان الصباح حلو في الاول انتي صحتية ووشك حلو ومبتسم ، وصحتيه بحنية وحب ودلع ، وثانياً حيدخل الحمام حيلاقية منور ونضيف وريحتة حلوة، وبعدين حيطلع حيلاقيك فارشة السجادة والاوضة متروقة وحلوة ، وبعدين حيلاقيك محضرة الفطوررد عفوك رجائى انا اول واحدة اكتب التقرير مقدما لانى بعمله الحمد لله هو انا عقولكم على اسم الدله بس متتريقوش هههههههههههههههه هو اللى طلعه عليا وانا هغيره مع انى حبيته خلاص بيقولى بطاطس؟؟؟؟؟ ههههههههههههههه علشان اسمى فاطمة قام قالى بطاطس وفعلا جولى انتى عندك حق فى كل اللى انتى قولتيه انا مثلا ماما جايبالى فى جهازى
طقم صينى الغالى طقم اركوبال طقم بيركس طقم ميلامين طقم صينى للمطبخ اطباق استالس
انتى متخيلة هى جابت كام نوع طبعا هما كتير ومش هخليها تكرروا مع اخواتى بس اهو اللى حصل؟ هى على طول تقولى كلى فى الميلامين والاستالس انتى وزوجك وحافظى على الباقى علشان الضيوف ولاول مرة مسمعش كلامها بأكل زوجى فى كل الانواع اللى فاتت ديه وطبعا اختلاف الالوان بيدى نوع من انواع التغيير والبهجة وكمان طبعا كل طقم جى معاه المجات والكبايات وكده وهو كمان بيفرح بالذات لما اقوله انه مش اغلى من الضيوف طبعا وزى مانتى قلتى يا جولى ان الاكل على السفرة حلو على الاقل بيدى منظر للاطباق اللى حطتها ولو عايزة احط ورد او شمع او حاجة واللى مش بتحب السفرة انا عاملة فى المطبخ بتاعى ترابيزة شيك اوى نص دايرة لازقة فى الحيطة وبتطبق وشكلها حلو ومش واخدة مكان خالص وجاى معاها كرسيين انا وهو وبناكل عليها وانا حاطة عليه فازة ورد صغيرة وكل يوم ناكل عليها زى السفرة وكمان احلى اما بكره بقى ياجولى انا برضه هعمل تانى اللى انتى قولتى عليه لانى مش بتوفق انى اعمله كل جمعة لانه ساعات بنزل وانا نايمة من غير ما احس يخلص شغل وراه ويجى الفكرة بقى اللى انا هزودها بكره انى اول ما اصحى اولع بخور لانه بيحسسنى بالجمعة جبت بخور الريحانى حلو اوى وجبت بالمسك والصندل والياسمين واولعهم علشان لما يصحى يكونوا طفوا والدخان راح واتبقت الريحة بتاعتهم بس ويارب ياجولى يكرمك ويوفقك ويارب اكون عجبك نطبيقى اه ونسيت اقولك رد فعله طبعا فرق اوى اوى اوى وفرح جداااااااااااااااا لانى كنا متعودين نقوم مع بعض هههههههههههههههه يعنى هو يصحينى اقوله لا اصحى انت الاول خد الدش وانا بعدك ههههههههههههههههه وبعدين اكتشفت ان الرب او النص ساعة اللى هصحاها قبله احلى ليا وليه هو كمان احبك فى الله